Zëvendëskryeministrja në detyrë dhe bashkëkryetarja e GUXO, Donika Gërvalla, tha të premten se partitë që ishin në opozitë në legjislaturën e kaluar nuk duhet të vendosin kushte për zgjedhjen e presidentit.
“Shikoni, opozita do të bënte mirë të mos vendoste kushte,” tha Gërvalla para gazetarëve më 19 qershor 2026, duke shtuar se kushtëzimet janë “parakusht i keq” për negociata.
Ajo tha se zgjedhjet e 7 qershorit ishin të panevojshme dhe nuk do të ndryshonin ndjeshëm përbërjen e Kuvendit të ardhshëm.
“Qytetari e ka thënë fjalën e vet,” u shpreh ajo, duke shtuar se vendi nuk duhet të shkojë në zgjedhje të reja pasi, sipas saj, fituesi tashmë është i qartë, në pritje të rezultateve zyrtare dhe certifikimit të tyre.
Gërvalla tha gjithashtu se është koha për dialog politik dhe për tejkalimin e “mentalitetit bllokues”, duke shtuar se pret që procesi aktual të jetë i fundit që çon në zgjedhje.
