Qeveria në detyrë e Kosovës, në mbledhjen e mbajtur të premten, ka miratuar vendimin preliminar për shpronësim për interes publik të pronave të paluajtshme ish-shoqërore të ndërmarrjes shoqërore të industrisë së mobilieve “Përparimi”, si dhe të pronave private, për nevoja të institucioneve shtetërore të Republikës së Kosovës, raporton Spektatori.
Në të njëjtën mbledhje, qeveria në detyrë ka miratuar edhe vendimin preliminar për shpronësim për interes publik të pronave të paluajtshme që preken nga realizimi i projektit “Ndërtimi i kyçjes/lidhjes së Vitisë në autoudhën ‘Arbër Xhaferi’, Prishtinë – Hani i Elezit”.
Po ashtu, është miratuar vendimi për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Ndërtimi i rrugës transit në Klinë, nga N9 deri në R-104”, Klinë – Gurakoc.
Gjatë kësaj mbledhjeje, qeveria në detyrë ka marrë gjithashtu vendim për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Zgjerimi i rrugës nacionale M25 Prishtinë – Podujevë”, raporton Spektatori
