Kryetari i Mitrovicës së Jugut, Faton Peci, nuk ka arritur të gjejë gjuhë të përbashkët bashkëpunimi me LDK-në për vazhdimin e koalicionit qeverisës në këtë komunë, raporton Spektatori.
Peci, në njëfarë forme, e ka konfirmuar prishjen e koalicionit përmes një postimi publik në rrjete sociale, duke zgjedhur një qasje ironike ndaj ish-partnerit të koalicionit.
“Me 3% nuk punon as iPhone-i”, ka shkruar Peci, duke iu referuar rezultatit që LDK-ja kishte arritur në zgjedhjet lokale në Mitrovicë.
Ky reagim vjen pas vendimit të Degës së LDK-së në Mitrovicë për t’u tërhequr nga koalicioni qeverisës, duke thelluar përplasjet politike në nivel lokal.
